प्रेमराज सिम्खडा कालीकोटः कालीकोट जिल्लाको पालाँता गाउँपालिका भित्रका सबै वस्तीमा कोरोना सङ्क्रमण फैलिएको छ । गाउँमा बिरामी वढेको जानकारी पछि स्वास्थ्यक्रर्मी सहित गाउँपालिका अध्यक्ष लक्ष्मणवहादुर बम वस्तीमा पुग्दा पुरै वस्तीका नागरिक ज्वरोले थला परेका थिए । 

हतारमा स्वास्थ्यक्रर्मीले एकै टोलका १५ जनाको एन्टीजेन परिक्षण गरेपछि ९ जनामा कोरोना भएको पुस्टी भयो । अन्यको पनि परीक्षण गर्ने तयारी हुदै थियो । झोलामा हेर्दा किट नै नभएपछि सोमवार थप बिरामीको परीक्षण गर्न नसकिएको हो । गाउँपालिका अध्यक्ष लक्ष्मणवहादुर बमले आज (मंगलवार) थप किट लिएर स्वास्थ्यकर्मी गाउँमा पठाएको वताउनुभयो ।  

कोरोना भएको पुस्टी भएमा आफुलाई थप समस्या हुन्छ भनेर नागरिक कोरोना परिक्षण गराउन आउदैनन । सोमवार त्यसैले के हो  भनेर गाउँपालिकाको वडा नं २ को वान्जडा गाउँमा जादा एकै टोलका १५ जनाको मात्र परीक्षण गरिएको थियो । १५ मा नौ जनामा कोरोना पुस्टीभएपछि गाउँका नागरिक त्रसित बनेका छन । पलाँता गाउँपालिकामा कार्यरत कर्मचारी बिष्णु प्याकुरेलले वान्जडामा गरिएको परिक्षणमा आफ्नो श्रीमती सहितका ९ जनामा कोरोना देखिएको भन्दै समयमै परिक्षणका लागि आफै वस्तीमा पुग्नु भएका गाउँपालिका अध्यक्ष सहितको स्वास्थ्यक्रर्मीको टोलीलाई धन्यावाद दिनु भएको छ ।

उहाँले नागरिकको स्वास्थ्य प्रति ध्यान दिने जनप्रतिनिधि पलाँताले पाएको समेत वताउनुभयो । पलाँताका अन्य वस्तीमा पनि ज्वरोका बिरामी धेरै छन । सबै ठाउँमा परिक्षण गर्ने तयारी गाउँपालिकाले गरेको छ । पलाँता स्वास्स्थ्य शाखाका सहसंयोजक बिनोद न्यौपानेले आफु संग भएको सबै जनशक्ती परिचालन गरेर परिक्षण गर्ने र पोजेटिभ भेटिएकालाई आईसोलेसनमा राख्ने वताउनुभयो । पलाँता संगै जिल्लाका सबै स्थानीय तहमा ज्वरोका बिरामी धेरै छन । परिक्षण गर्ने हो् भने पक्का पनि कोरोना देखिन्छ । त्यसैले पनि धेरै जसो नागरिक स्वास्थ्य संस्थाको सम्पर्क मै आउदैनन । 

जिल्लाको रास्कोट नगरपालिका वडा न १ र २ का सबै वस्तीमा ज्वरो छ । सिपखाना स्वास्थ्य चौकी इन्चार्ज नमराज शाहीले परिक्षण गरौ भने किट छैन । धेरै जसो परिक्षण गरौँ भनेर पनि आउदैनन । आउनुहोस भन्दा पनि हैन ज्वरो हो, सन्चो हुन्छ भन्दै सिटामोल मागेर घर जाने गरेको वताउनुभयो । उहाँले अव त धेरै निको पनि भईसकेका छन । स्वास्थ्यक्रर्मी शाहीले किट भएर परिक्षण गर्ने हो भने ८५ प्रतिसत भन्दा वढीमा कोरोना पुस्टी हुने वताउनुभयो । 

रास्कोट सामुदायिक अस्पतालले किट ल्याएर परिक्षण गरेको छ । आज सम्म रास्कोटमा ८९ जना कोरोनाका बिरामी भेटिसकेका छन । जिल्लाका धेरै वस्तीमा कोरोना भएपनि परिक्षण गर्ने किट नभएका कारणले पुस्टी भने नभएको स्थानीय तहका प्रतिनिधिको भनाई छ ।